Víðagitni hvalurin vendir aftur

Hann gjørdist kendur víða, tá hann brast á Hvalastøðini við Áir fyri tólv árum síðan, meðan hann varð flensaður. Nú verður ein partur av honum sýndur fram.

Í 2013 viltist hann og kom á land. Hann kom ongantíð út aftur, og fáir dagar aftaná varð hann flensaður.

Beinagrindin hjá avgustinum er reinsað. Og bæði skølturin og undirkjafturin hjá hvalinum eru fluttir úr goymsluhølinum á somu hvalastøðina, har hann sprongdist.

Í dag vóru arbeiðsfólk hjá Tjóðsavninum á Hvalastøðini við Áir, har tey stykkjaðu saman skøltin og undirkjaftin hjá avgustinum. Skølturin er knappar fýra metrar langur.
 

Sí eisini, hvussu tað gekk fyri seg, tá avgusturin brast í innslagnum her