Almenn móttøka fyri HM-hetjunum á Vaglinum

U21-liðið, ið vann ímóti Svøríki sunnudagin, og harvið fór avstað við bronsuni í HM-kappingini, varð heiðrað á Vaglinum í Havn týsdagin.

Til tiltakið spældi Havnar Hornorkestur, Aksel V. Johannesen, løgmaður, Elsa Berg, borgarstjóri í Havn, og umboð frá Hondbóltssambandinum hildu røðu.

Ísak Vedelsbøl og Óli Mittún, sum báðir tveir spældu framúr væl í heimsmeistarakappingini í Póllandi, søgdu eisini nøkur orð.

Spælararnir skrivaðu autografar, heilsaðu upp á mongu viðhaldsfólkini, og hýrurin var góður.