Stórhvalur aftur í Kaldbaksbotni

Fyri góðum tveimum árum síðani vóru fleiri hvalir at síggja stóran part av summarinum í Kaldbak, og staðið gjørdist eitt væl vitjað ferðamál bæði hjá føroyingum og ferðafólki. Hesa ferð er talan um eina kúlubøku. Tað er óvist, hvussu leingi kúlubøkan steðgar.

Kúlubøkustovnurin er í vøkstri

Tað hevur ikki verið so vanligt at síggja kúlubøkur í Føroyum, men seinastu árini er tað vorðið meira vanligt, at hesin hvalur vitjar okkara leiðir. Fyrr í summar eru fráboðanir komnar úr millum annað Sandavági og Múlavági, har fólk hava sæð kúlubøkur spæla sær í sjónum.

Í løtuni ferðast kúlubøkurnar úr Karibisku oyggjunum norðureftir móti Arktis. Tær hava eina drúgva farleið, og seinastu árini eru tær farnar at søkja breiðari farvatn. Tí síggjast kúlubøkur nú ikki bert kring Ísland, men eisini í føroyskum øki.

"Vit kunnu vænta at síggja fleiri kúlubøkur kring Føroyar," sigur Bjarni Mikkelsen, lívfrøðingur, tá ið hann varð spurdur um støðuna hjá kúlubøkustovninum.

Sí upptøku her:https://www.facebook.com/share/v/1CBTcKAskf/