Í Gásadali er bygg gróðurin loksins í vøkstri

Eigararnir av Gásadalsgarði hava dyrkað byggkorn í nøkur ár, ið verða brúkt til at bryggja ølina Múlafossur.

Tað kann vera torført at dyrka korn í føroyska veðurlagnum, og í ár hevur hevur tað gingið striltið við bygg vøkstrinum í Gásadali.

Nú er vend komið í, við góðveðrinum ið hevur verið, og seinastu tvær vikurnar hava eigararnir sæð ein støðugan vøkstur.

Hesum greiða feðgarnir Jóhann og Pól Fagraklett nærri frá í innslagi í Degi og viku.