- Hann var tann betri skjúttin í dag

Hans Petur Højgaard var púra greiður eftir tapið fyri William Chater úr Falklandsoyggjunum.

 - Hann var tann betri skjúttin í dag. Eg fekk tað ongantíð ordiliga at koyra í finaluni. Eg fekk ikki tað skotið, sum eg vildi hava, og hann fekk góð skot, so har var einki at gera, segði recurve-maðurin.

William Chater legði seg framum 4-0 beinanvegin, men Hans Petur Højgaard fekk minkað um munin. Hann stríddist kortini alsamt við skjótingini, og mótstøðumaðurin vann 6-2.

Hans Petur Højggard hevur vunið tvær gull og eina silvur á leikunum higartil, áðrenn liðkappingina í dag.