Undirtøkan fyri G! tann besta í 20 ár

Áhugin fyri ársins G! Festivali hevur verið serliga stórur, og sambært fyrireikarunum er hetta besta undirtøkan í 20 ár. Tá Jazzygold spældi á stóra pallinum, fekk NETS-skipanin trupulleikar, og tað tók eina løtu at selja seinastu atgongumerkini.

Nú eru øll tó seld.

Á skránni fyri kvøldið eru bæði føroysk og altjóða tónleikanøvn. Seinni í kvøld verða framførslur við Kaleo, Hamradun, Sissal, Marius DC, Stuzzi, Sun Dog, Silent Disco, Cult Member og 2 X DJ Slay og Trygva.