Løturnar: Oyggjaleikir Føroyar seint fara at gloyma

Naknu tølini siga eina týðiliga søgu.

Við 41 gullmedaljum og 95 heiðursmerkjum í alt vunnu Føroyar stórsigur á oyggjaleikunum í Orknoyggjum. Fyrsti sigurin síðan 2009 og bert annar síðan byrjanina í 1985. Eingin annar hevði nakrar kjans hesa ferð.

Men tølini siga ikki alla søguna. Úrslitini á oyggjaleikunum vóru klimaksið, hæddarpunktið, men aftanfyri hvørt einasta avrik liggja túsundtals tímar av stríði, nærlagni og eldhuga.

Áhaldandi venjingin eitt ár fyri og annað eftir. Samstarvið og samspælið millum íðkara og venjara. Viljin til at halda fram, tá hugurin er burtur. Alt hetta er lætt at gloyma í gyltu løtunum. 

Men tað er júst tað, sum liggur aftanfyri øll tey flottu tølini. Her eru løturnar frá oyggjaleikunum, Føroyar seint fara at gloyma.