Mimi Syed: -Vit hava skyldu at hjálpa í Gasa

Mimi Syed er úr USA. Hon er serlækni í bráfeingisviðgerð og undirvísir í læknafrøði á lærda háskúlanum í Washington. 

Seinast Mimi Syed var í Gasa var í seinasta vetur bæði á al-Aqsa sjúkrahúsinum og á Nasser sjúkrahúsinum, og tað var ikki bara hungur, ið hon møttti.

Og so er tað hungurin, sum nú herjar. Sambært ST, so líða umleið tvær milliónir fólk í Gasa hungur - eisini børn. Mimi Syed er sannførd um, at júst hetta er eitt vápn, sum Ísrael brúkar.

Hóast støðan er ótrygg, so fer Mimi Syed aftur til Gasa í næstum. Sum lækni og mamma, so klarar hon ikki at lata vera.

Heimsheilsustovnurin hjá ST boðaði týsdagin frá, at heilsuverkið í Gasa er á knøunum. Bara 19 av teimum 36 sjúkrahúsunum í Gasa eru í løtuni virkin, og heilsustarvsfólk eru hvønn dag í vanda. Tí hevur Tedros Adhanom Ghebreyesus, leiðari fyri heimsheilsustovnin, heitt á Ísrael um at gevast við at bumba sjúkrahús. Kortini følir Mimi Syed tað sum eina skyldu at fara aftur til Gasa.