Óðamannaverk at halda fram við verkætlanini um pumpuskipan

- Tað er óðamannaverk hjá SEV at halda fram við ætlanini at gera eina pumpuskipan, tí SEV hevur aðrar, átrokandi íløgur fyri framman.

Tað sigur Kári Johansen, fyrrverandi nevndarformaður í SEV. 

Hann vísir á, at leiðslan í SEV hevur boðað frá, at um nøkur fá ár verður Sundsverkið ov lítið, og tí má byggjast út. Tann útbyggingin fer at kosta í minsta lagi hálva aðru milliard krónur.

SEV á Sundi

SEV-verkið á Sundi.

Nýggjasti parturin av Sundsverkinum, sonevnda Støð-3, varð tikin í nýtslu um ársskiftið 2019-2020.

Kári Johansen sigur seg ivast í, um SEV yvirhøvur fær fígging til allar íløgurnar, sum skulu gerast.

SEV hevur eykaaðalfund í morgin, har støða skal takast til, um játtast skulu 10 milliónir aftrat at kanna pumpuverkætlanina í Vestmanna. 

Hoyr innslag í útvarpstíðindunum:

Hákun Djurhuus, stjóri í SEV, hevur í løtuni ongar viðmerkingar til útsøgnirnar hjá fyrrverandi nevndarformanninum.

-Hetta er ein politisk støða til nevndina og eigararnar at viðgera, og ta viðgerðina vil eg ikki leggja meg út í, áðrenn eykaaðalfundin í morgin, sigur Hákun Djurhuus.