Atkvøða um Eirargarð í dag

Tey bæði uppskotini, sum snúgva seg um at gera lestraríbúðir á Eirargarði 2, eru fyrst á skránni á tingfundinum fyrrapartin. 

Uppskotini skulu til aðru viðgerð, og atkvøðast skal í málunum.  

Týsdagin løgdu rættarnevndin og fíggjarnevndin fram álit. Allir nevndarlimirnir eru samdir, og mæla til at samtykkja uppskotið. 

Uppskotið frá Margit Stórá, landsstýriskvinnu í umhvørvismálum, snýr seg um at geva Húsalánsgrunninum (nú Bústaðir) ræði á Eirargarði 2.

Uppskotið frá Ruth Vang, landsstýriskvinnu í fíggjarmálum, snýr seg um eykajáttan í sambandi við, at aðalráðini, sum hava hildið til á Eirargarði, skulu flyta úr bygninginum.

Tingfundurin í dag byrjar klokkan 11.