Føroyska dart-landsliðið luttekur í HM í dart

Føroyska dart-landsliðið, sum er umboðað við bæði monnum og kvinnum, eru komin væl fram til Seoul í Suðurkorea, har tey skulu luttaka í HM í dart komandi vikuna.

Hetta er aðru ferð at Føroyar luttaka í stóru kappingini, og í ár luttaka  tey saman við 46 øðrum londum.

Fyrireikingarnar til HM í dart byrja í morgin, meðan kappingarnar byrja týsdagin, og halda fram til og við næsta vikuskifti.

Til ber at fylgja við í dystunum á tv.dartconnect.com, og eisini fara tíðindi frá kappingini at koma út á facebook síðuna hjá Dartsambandinum.