Trý skutu upp at skúlin skal eita Rótin

Ikki færri enn trý fólk, uttan at vita hvørt av øðrum, skutu upp at kalla húsarhaldsskúlan Rótin.

So tey vunnu navnakappingina.

Tey eru Joan Midjord Sivertsen, Eyðálvur Pállson og Annika Sølvará.

Sagt verður um navnið, at tað ímyndar næmingin í skúlanum. 

Rótin, húsarhaldsskúlin

Vinnararnir av navnakappingini, frá vinstru: Joan Midjord Sivertsen, Eyðálvur Pállson (pápin tók ímóti hansara vegna) og Annika Sølvará saman við Jóhannu á Tjaldrafløtti, stjóra á Rótini. (Mynd: Norðlýsið, Dávur Winther) 

Halda vit okkum til plantufrøðina, verður næmingurin plantaður í eitt skapandi og mennandi umhvørvi í skúlanum. 

Næmingurin festir røtur og sleppur at útfolda síni skapandi evni, bæði handaliga og tímiliga. 

Næmingurin fær grundleggjandi og dygdargóða vitan um mat, mentan, tilfeingi, kropp, heilsu og alskyns handarbeiði, ein markleysur lærdóm fyri lívið, verður sagt.

Grafia hevur gjørt búmerkið hjá Rótini.

Rótin, húsarhaldsskúlin, búmerkið hjá Rótini

Búmerkið hjá Rótini. (Mynd: Dávur Winther)