VIKUGESTURIN: Eg dugi sjálv!

"Jeg kan selv!"

Orðini stava frá einari hending, sum familjan hevur fangað á einum smalfilmi hjá familjuni, tá ið hon var trý ára gomul í Grønlandi, har hon er fødd.

Og orðini eru eisini lýsandi fyri ta melduródn, sum kom í, tá ið hon var við til at bera uppskotið um fría fosturtøku í Føroyum. 

Hon vildi sjálv, hóast baklandið og konservativi parturin av Sambandsflokkinum harðliga mælti henni frá. Hon var troytt av at tillaga seg, sum kvinnur altíð hava gjørt, sum hon tekur til. Hon vil sjálv!

Eyðdis Hartmann Niclasen búði í Smørum Nedre í Danmark til hon var 12 ára gomul, og tað heldur hon vera eina orsøk til, at hon gjørdist sambandskvinna.

Tá ið hon og maðurin høvdu búð í húsum sínum í Miðvági í bara eina viku, brendu tey í grund, og tað kundi gingið heilt galið, um maðurin ikki var skjótur og bjargaði allari familjuni. Ein skakandi hending, sum hevur fylgt teimum síðan.

Í samrøðuni við vikugestin hesa ferð fylgja vit Eyðdis gjøgnum árini í Grønlandi, Fraklandi og Danmark, til hon kom aftur til Føroya. Vit tosa millum annað um fosturtøkumálið, uppvøkstur, persónsmensku, virði og politikk.

Hoyr alla samrøðuna við Eyðdis Hartmann Niclasen her.