Franski forsætisráðharrin longu lagt frá sær

Politiskur ófriður valdar í Fraklandi.

Nýggi forsætisráðharrin í Fraklandi, Sébastien Lecornu, sum tók við starvinum 9. september, leggur nú frá sær, upplýsir umsitingin hjá franska forsetanum, sambært BFMTV.

Hetta hendir dagin eftir, at Emmanuel Macron, forseti, formliga kunngjørdi nýggju stjórnina í landinum við Sébastien Lecornu á odda.

Sébastien Lecornu varð tilnevndur sum forsætisráðharri 9. september, eftir at tað ikki eydnaðist fyrrverandi forsætisráðharranum, François Bayrou, at fáa meiriluta í tjóðartinginum fyri fíggjarlógaruppskotinum. 

Støðan óbroytt

Men bæði vinstri- og høgravongurin í Fraklandi hava eisini funnist at Lecornu.

Hann stendur nú í somu støðu, sum Bayrou var í tíðliga í september, at báðir veingirnir í tinginum vilja ikki samstarva, og at undirtøka ikki er fyri at samtykkja fíggjarlógina.

Hann er sostatt fimti forsætisráðharrin í Fraklandi í tvey ár, og er tann, sum hevur sitið stytst í embætinum.

Viðmerkjarar vænta, at einasta loysn hjá Emmanuel Macron er at útskriva val.