Hava vitað um umvælingina av umsitingarbygninginum

Beinir Johannesen í Fólkaflokkinum og Steffan Klein Poulsen í Miðflokkinum, sum báðir eru limir í fíggjarnevndini, undrast á, at ikki er lagt uppfyri umvælingini av umsitingarbygninginum hjá løgtinginum í uppskotinum um fíggjarlóg.

Tí vitað er um hesar pengarnar, tá uppskotið um fíggjarlóg var gjørt.

Talan er um 34,2 mió. kr. 

Teir báðir tingmenninir halda, at aðrar verkætlanir kunnu bíða, so løgukarmurin í fíggjarlógini ikki hækkar.

Annars tekur øll fíggjarnevndin, eisini Beinir Johannesen og Steffan Klein Poulsen, undir við at játta pengarnar til umvælingina við Tinghúsvegin.