Kommunur fingu 176 milliónir meira í skatti í fjør

Kommunurnar fingu 176,4 mió. kr. meira í skatti í fjør enn í 2024, vísa fyribilstøl hjá TAKS.

Vøksturin er sjey prosent.

Hjá landinum er vøksturin minni, hann er 4,35 prosent.

Eftirlønarskatturin er 11 prosent størri.

Men kirkjuskatturin er, sambært fyribilstølunum, 2,56 prosent minni enn hann  var í 2024.

Smáu kommunurnar mest í prosentum

Tað eru tær smáu kommunurnar, sum hava størsta vøksturin í prosentum.

Toppskorari er Húsavík. Har er vøksturin 27,36 prosent.

Síðani koma Fugloy og Skúgvoy við ávikavist 23,75 og 23,41 prosentum.

Eingin kommuna fekk minni skatt í fjør enn í 2024. Men tað var tætt við í Hvalba. Har er vøksturin 1,81 prosent.

Havnin fremst í krónum 

Í krónum er Tórshavnar kommuna fremst.

Tórshavnar kommuna fekk slakar 68,6 mió.kr. meira í skatti í fjør enn í 2024.

Klaksvík fekk 25,4 mió. kr. meira, vísa fyribilstølini hjá TAKS.

Les meira her.