Eingin avgerð tikin um at fara í landsrættinum við úrskurðinum

Fíggjarmálaráðið hevur ikki avgjørt enn, um tað skal fara í landsrættin við úrskurðinum hjá Føroya rætti um valið í Runavíkar kommunu.

Føroya rættur avgjørdi fríggjadagin, at stevningin hjá fimm býráðslimum skal hava steðgandi virknað.

Tað ger, at valið verður ikki í morgin, sum Fíggjarmálaráðið ætlaði.

Fíggjarmálaráðið hevur kunngjørt, at valið er fyribils avlýst. Og er í ferð við at nærlesa úrskurðin.

Síðani verður støða tikin til, um úrskurðurin skal í Landsrættin, sigur Fíggjarmálaráðið.