Russisk álop á fleiri ukrainskar býir

Næstan 1200 bústaðir í ukrainska høvuðsstaðnum, Kyiv, hava ongan hita eftir russisk álop í nátt.

Tað sigur talsmaður fyri stjórnina,  Vitalij Klitsjko, sambært Reuters-tíðindastovuni.

Og sambært Yr. no eru 20 kuldastig í Kyiv í morgun.

Ukrainskir myndugleikar siga, at luftálop í nátt eru framd á Kyiv, Kharkiv, Dnipro og Sumy.

Í Kyiv verður boðað frá fleiri oyðiløgdum bygningum og tveimum særdum fólkum. 

Í morgin og ovurmorgin fara umboð fyri Russland og Ukraina at hittast í Abu Dhabi til nýggjar samráðingar og samrøður um møguliga vápnahvíld og enda á krígnum.

Pólsk flogfør á flog

Póland hevur sent hernbaðarflogfør á flog eftir russisk álop á grannalandið, Ukraina.

Tað upplýsir leiðslan í pólska herinum á miðlinum X.

- Jagaraflogfør og ávaringarflogfør eru gjørd út, og verjuskipanir á landi og radaraskipanir eru sett í hægstu tilbúgving, skrivar herleðislan.

Átøkini eru einans fyribyrgjandi, verður eisini sagt.