- Tíðindi, mentan og ítróttur
Illveðrið Ivan herjar í Noregi og Svøríki
Illveðrið Ivan herjar í Noregi og Svøríki
Fólk í túsundatali í Noreg og Svøríki hava mist streymin, eftir at illveðrið Ivan tók land í gjárkvøldið
![](https://kvf.fo/sites/default/files/styles/grein-ovasta-mynd/public/nrk_mynd.jpg?itok=iJrMBgjk)
Fleiri tíggjutúsund hús hava mist streymin
Mynd: nrk.no
13.12.2013 - 09:23
Í Norðursvøríki hava millum 40.000 og 45.000 bústaðir mist streymin og í Miðnoregi umleið eini 50.000 hús, siga myndugleikarnir.
Nógvir vegir vórðu stongdir í Svøríki, har tekjur rivu ella vórðu blástar av húsunum, og partar av miðbýnum í Östersund vórðu stogngdir, tí tað var hættisligt at vera úti. Trø duttu niður á fleiri bilar, men hóast ógvisligu hendingarnar, so hevur eingin fingið mein, sigur svenska løgreglan.
Jarnbreytarferðslan er eisini ávirkað, og kemur neyvan í rættlag aftur fyrr enn einaferð í dag.
Ódnin Ivan minnir um ódnina Bodil, sum herjaði alt norðureuropa í síðstu viku, siga veðurfrøðingar.
Nýggjastu sendingar í ÚV
Nýggjastu sendingar í SV