Spíska sær spælið ímóti baltisku londunum

Skráin hjá manslandsliðnum í fótbólti er nú løgd fyri 2026. Føroyar byrja við eini venjingarlegu í Dubai í mars mánaði. Her eru mótstøðulondini Singapor og Emirríkini. Eftir summar verður tað Nations League, har Føroyar eru í bólki saman við Kasakstan, Slovakia og Moldova.

Nú er eisini greitt, at føroyska landsliðið verður partur av Baltic Cup, sum verður í juni mánaði. Kappingin verður skipað við hálvfinalum, finalu og dystinum um 3. plássið, millum Føroyar, Estland, Lettland og Litava

Fyrst Estland, og síðani annaðhvørt Lettland ella Litava verða føroysku mótstøðulondini, tá A-landsliðið við monnum í juni mánað skal spæla tveir altjóða skrásettar landsdystir, boðar Fótbóltssambandið frá.

- Eins og fyri tveimum árum síðani fer manslandsliðið aftur í ár at taka lut í Baltic Cup, ið er ein fýralandakapping millum tey trý baltisku londini, Estland, Lettland og Litava, umframt eitt gestaland, sum í ár eru Føroyar.

Kappingin verður skipað sum tvær hálvfinalur, og síðani eru finalan og dysturin um 3. plássið á skránni. Hálvfinalurnar verða spældar leygardagin 6. juni. Estland og Føroyar spæla í Pärnu, meðan Litava og Lettland hittast í Kaunas. Finalan og dysturin um 3. plássið vera týsdagin 9. juni.