Endurhoyr serstøku sendingarnar um einbúgvan Mikkjal

Týsmorgunin 3. februar andaðist einbúgvin av Viðareiði, Mikkjal Lodmund Sørensen, 90 ára gamal. 

Mikkjal búleikaðist 57 ár einsamallur á oynni Kingitoq í Suðurgrønlandi. 

Tórður Mikkelsen var á túri í Grønlandi í 2021, og tá hann vitjaði Mikkjal á Kingitoq.  

HOYR: Við Tórði á túri: Einbúgvin á Viðareiði (1:2)
HOYR: Við Tórði á túri: Einbúgvin á Viðareiði (2:2)

Burturúr vitjanini spurdust tvær sendingar, ið verða endursendar í dag og komandi mánadag klokkan 17.05. 

Endaði sínar dagar á ellisheimi

Árið eftir, at Tórður Mikkelsen hevði vitjað einbúgvan Mikkjal Lodmund Sørensen úti í Kingitoq, brann heim hansara á oynni í grund. 

LES EISINI: Einsamallur á grønlendskari oyggj í 56 ár

Hóast Mikkjal ætlaði at innrætta seg í seyðhúsinum, so bleiv syrgt fyri, at hann kom á ellisheim í býnum Qaqortoq.

Har búði Mikkjal inntil hann leygardagin 1. februar fekk ein blóðproppog og varð lagdur inn á sjúkrahúsið.

Mikkjal vaknaði ongantið aftur og andaðist týsmorgunin 3. februar. 

Einbúgvin bleiv ein býarmynd

Í Qaqortoq siga tey, at Mikkjal hesi seinastu árini bleiv ein býarmynd, sum øll kendu og vóru góð við.

Eins og í Føroyum hildu tey í Grønlandi tað eisini vera sjáldsamt, at maðurin hevði klárað at búleikast einsamallur í so mong ár á oynni Kingitoq

Hóast Mikkjal livdi so nógv ár einsamallur, so treivst hann væl á ellisheiminum.

Hann kláraði at halda tríggjar føðingardagar har, og hann elskaði at vera miðpunktið, siga tey.

Endurhoyr sendingarnar

Við Tórði á túri-sendingarnar um "Einbúgvan av Viðareiði" kunnu, sum nevnt, hoyrast á KVF Ljóð ella her niðanfyri.

Fyrr partur: Einbúgvin av Viðareiði:

Við tórði á túri LOGO nýtt

Hvat: Við Tórði á túri
Hvar: Í útvarpinum og á KVF Ljóð
Nær: Mánadagar kl. 17.05, og tá tað passar tær á KVF Ljóð