Marknaðirnir í Asia merkja nú sviðan av krígnum

Marknaðirnir í Asia eru farnir at merkja sviðan av stórkrígnum í Miðeystri.

Búskapirnir í Asia fáa bróðurpartin av ráoljuni og ein stóran part av gassinum úr londunum við Flógvan og eru tí serliga viðbreknir, tá veitingarkervið í Miðeystri verður órógvað.

Í gjár frættist, at nærum eingin skipaferðsla er í Hormuz-sundinum, millum Iran og arabisku hálvoynna, har mesta skipaferðsla í heiminum vanliga er.

Fimtingurin fer gjøgnum sundið

Fimtingurin av oljuni og gassinum, sum heimurin brúkar, fer gjøgnum Hormuz-sundið, og okkurt um 46 prosent av samlaðu ráoljuframleiðsluni verður flutt til Asia.

Iranska kolveltingarhirðin hevur sagt, at Iran "fer at seta eld á skipini", sum royna at sigla gjøgnum sundið.

Í gjárkvøldið skrivaði amerikanski forsetin, Donald Trump, á miðli sínum Truth-social, at verður tað neyðugt, fer USA at fylgja oljutangaskipum gjøgnum Hormuz-sundið.