Kunnu taka risalop ímóti EM

Føroysku hondbóltskvinnurnar kunnu tryggja sær minst 3. plássið í sínum undankappingarbólki, um tær vinna á Portugal á útivølli í dag. 

Føroyar vunnu 25-21 við Tjarnir mikudagin, og um tær endurtaka bragdið í Porto, verða tær fýra stig frammanfyri portugisar, sum tískil ikki kunnu yvirhála í tveimum teimum síðstu dystunum í apríl.

Tað er tó ikki vist, at 3. pláss verður nóg mikið til at tryggja sær plássið í EM-endaspælinum, men tað er sannlíkt, tí fýra av teimum bestu átta trý'arunum sleppa til EM.

Hinvegin fara Føroyar ivaleyst eftir at enda á antin 1. ella 2. plássi, og so er EM-plássið í lummanum. Einki verður kortini endaliga avgjørt í dag.

Ísland tók tey flestu á bóli mikukvøldið við sigri á toppliðnum Montenegro, og tí hava øll fýra londini í bólkinum framvegis kjans at spæla um øll plássini.

Montenegro og Føroyar hava fýra stig í part, meðan Ísland og Portugal hava tvey stig í part.