Valstríðið í Kringvarpinum byrjar nú

Valstríðið í Kringvarpinum byrjar av álvara hesa vikuna.

Fyrsta sendingin var leygardagin, í Vikuni, har flokkar koma á gátt at svara spurningum frá lurtarum hvønn leygarmorgun fram til valið.

Hesa vikuna leggjast tvær valsendingar aftrat í útvarpinum.

Mikudagin verður fyrsta Skratsj-sending av seks, har tosað verður við ung valevni, sum stilla upp fyrstu ferð.

Andgletturin verður hósdagin, har forfólkið í flokkinum og tvey umboð koma at svara hvøssum spurningum. Fyrsta sendingin er hósdagin og síðan koyra tær dag um dag, tó ikki í vikuskiftinum.

Í sjónvarpinum vera eisini fleiri sendingar, eitt nú kjak, og farið verður um landið.

Lagt verður fyri seinni í vikuni.