Betri Banki 273 milliónir í avlopi í fjør

Betri Banki hevði 273 milliónir krónur í yvirskoti í fjør, eftir skatt.

Tað boðar bankin frá ídag.

Hetta er triðja árið á rað, at yvirskotið hjá Betri Banka nærkast 300 milliónum krónum, eftir skatt.

Í 2023 var yvirskotið 286 milliónir, í 2024 var tað 290 milliónir og í fjør 273 milliónir krónur.

Betri Banki boðar frá stórum vøkstri, bæði í útlánum og innlánum. Útlánini øktust 650 milliónir í fjør, og eru nú góðar 9,2 milliardir krónur. Innlánini øktust 1,2 milliardir og eru nú 10,7 milliardir krónur. 

Eginpeningurin 2,7 milliardir

Eginpeningurin í Betri Banka er nú góðar 2,7 milliardir krónur.

Bankin roknar við, at yvirskotið í ár verður millum 180 milliónir og 220 milliónir krónur.

Nevndin í Betri Banka mælir til, at bankin letur 50 milliónir krónur í vinningsbýti til eigaran í ár.

Betri Banki er dótturfelag hjá Betri-samtakinum.