Bosnia-Hersegovina tryggjaði sær HM-uppgerð ímóti Føroyum

Kosovo vann seinnu uppgerðina, men tað var langt frá nóg mikið til at vinna samanlagt, og tí stendur Bosnia-Hersegovina nú ímillum føroysku hondbóltsmenninar og teirra fyrsta HM-endaspæl.

Bosnia-Hersegovina vann heili 34-21 í fyrra dystinum, og tí munaði tað einki hjá Kosovo at vinna við fýra málum á heimavølli í dag.

Røkkstøkk-dystirnir hjá Føroyum ímóti Bosnia Hersegovina verða á útivølli annaðhvørt 13. ella 14. mai og við Tjarnir 16. ella 17. mai. 

Ein stórur føroyskur bruttohópur hevur vant saman í Føroyum farnu vikuna millum annað við HM-dystunum í siktinum. Landsliðið vil ivaleyst gera alt fyri at sleppa undan endurtøku av røkkstøkk-umfarinum í 2024, tá Norðurmakedónia sendi Føroyar út í kuldan á glóðheita heimavøllinum í Skopje.