Trump avlýsir álop - oljuprísurin lækkar

Amerikanski forsetin Donald Trump hevur í dag útsett øll álop á iransk orkuverk næstu fimm dagarnar.

Hetta hendir eftir at framstig eru gjørd í samráðingunum millum USA og Iran, sum hava verið seinasta samdøgrið.

Donald Trump skrivar á sínum miðli:

- Eg fegnist um at boða frá, at seinastu tveir dagarnar hava USA og Iran havt sera góðar og gevandi samráðingar um eina fullfíggjaða loysn og heildarloysn fyri fíggindaskap okkara í Miðeystri.

Oljuprísurin lækkar

Trump hevur tí heitt á amerikanska verjumálaráðið um at "útseta øll hernaðarlig álop á iransk orkuverk og orkukervi í eitt tíðarskeið uppá fimm dagar".

Leygardagin gav Donald Trump Iran kravboð um at lata Hormuzsundið upp innan 48 tímar. Um ikki, fór USA at leggja orkuverkini í Iran í oyði, og at byrjað varð við teimum størstu verkunum.

Samrøður verða aftur í hesi vikuni.

Eftir at hesi tíðindini bórust, lækkaði prísurin fyri eina tunnu av Brent-ráolju 13 prosent, niður í 96 dollarar fyri tunnuna, skrivar BBC.