Sjóvarfalsorka avloysa olju í elframleiðslu á útoyggj

SEV, Minesto og aðrar fyritøkur eru farin undir kanningar, sum hava fingið 17 milliónir í stuðli frá svenska orkumyndugleikanum

Minesto, sum m.a. hevur gjørt royndir við sjóvarfalsorku í Vestmannasundi, er eisini við í kanningunum.

Mynd: Vestmanna kommuna

Jógvan Andrias Skeel Nolsøe

23.03.2026 - 16:03

Kann sjóvarfalsorka saman við framkomnari battarítøkni avloysa elframleiðslu við olju í eitt nú Fugloy, Skúvoy og Mykinesi?

Tað er svenska fyritøkan Minesto, við føroyskum høvuðssæti í Vestmanna, farin undir at kanna saman við SEV, fyritøkuni Capture Energy og svensku umhvørvisstovuni IVL.

Terji Nielsen, menningarleiðar SEV

Terji Nielsen. (Mynd: Bjarni Árting Rubeksen)

- Kannað verður, um tað ber til gera eina lítla avbyrgda el-skipan, sum kann standa fyri streymveiting í smáum oyggjum í Føroyum og uttanlands, sigur Terji Nielsen, menningarleiðari hjá SEV:

26032026_Terji_Nielsen

Verkætlanin er stuðlað av svenska orkumyndugleikanum við 25 mió. svenskum krónum, sum svara til góðar 17. mió. kr. í okkara pengum.

Vestmanna kommuna skrivar, at battarískipanin fer at standa Inni á Fjørð í Vestmanna á leiguøkinum hjá Minesto.