Steffan fær stafettina fyrsta dagin

Politikkur

Nú er greitt, at Steffan Klein Poulsen verður nýggjur formaður í Miðflokkinum eftir Jenis av Rana

Steffan Klein Poulsen og Jenis av Rana. Fyrsta dagin verður ættarliðsskifti í Miðflokkinum.

Mynd: Bjarni Árting Rubeksen

Ingolf Sólheim Olsen

31.03.2026 - 09:05

Steffan Klein Poulsen verður í næstum formaður í Miðflokkinum.

Tað váttar Jenis av Rana, sum hevur verið formaður í flokkinum seinastu 28 árini.

Jenis av Rana var við til at stovna Miðflokkin í 1992. Hann bleiv fyrstu ferð valdur í løgtingið í 1994. Í 1998 tók Jenis av Rana við sum formaður, og hevur verið tað síðani.

Hoyr innslag í útvarpstíðindunum:

31032026_Jenis_og_formansskifti

Steffan Klein Poulsen

Frítekst tagging:

Steffan Klein Poulsen

Bjarni Árting Rubeksen

Miðflokkurin

Steffan Klein Poulsen fekk nærum tvífalt so nógvar atkvøður sum Jenis av Rana á løgtingsvalinum. Nú verður hann formaður í Miðflokkinum. (Mynd: Bjarni Árting Rubeksen)

Steffan Klein Poulsen bleiv stóri atkvøðuslúkurin hjá Miðflokkinum á løgtingsvalinum.

Hann fekk 701 atkvøðu, ella næstan tvífalt so nógvar sum Jenis av Rana, ið fekk 363 persónligar atkvøður.

Formaðurin seinastu 28 árini sigur tó, at avgerðin um ættarliðsskifti hevði verið tikin, sama hvussu atkvøðubýtið var - men úrslitið spældi væl saman við ætlanunum.

Hoyr samrøðu, sum Høgni í Jákupsstovu gjørdi við Steffan Klein Poulsen í útvarpstíðindunum:

31032026_Steffan