- Tíðindi, mentan og ítróttur
Miðflokkurin tekur undir við fríari fosturtøku eftir týskum leisti
Miðflokkurin tekur undir við fríari fosturtøku eftir týskum leisti
Jenis av Rana, floksformaður, sigur nú, at flokkurin fer ikki at rulla fosturtøkulógina aftur
Jenis av Rana, formaður í Miðflokkinum, tá hann legði valskrá floksins fram.
Mynd: Bjarni Árting Rubeksen
31.03.2026 - 13:34
Miðflokkurin ætlar ikki at rulla fosturtøkulógina aftur, og kann enntá taka við undir við fríari fosturtøku, um tað verður eftir týska modellinum.
Tað sigur Jenis av Rana, formaður í Miðflokkinum, sum kennir seg vísan í, at verandi samgongusamráðingar bera ikki á mál.
Frí fosturtøka er loyvd í Týsklandi til viku 14 í viðgongutíðini, treytað av at kvinnan frammanundan kann vátta, at hon hevur fingið ráðgeving og kunning um sínar møguleikar fyri eitt nú fíggjarligari og sosialari hjálp, um hon í staðin ger av at eiga barnið.
Fyri jól samtykti ein tepur meiriluti í Løgtinginum nýggja føroyska fosturtøkulóg, sum loyvir fríari fosturtøku til og við 12. viku í viðgongutíðini.
Hoyr innslag í útvarpstíðindunum:
31032026_Jenis_um_fosturtoku
Er kopiera
Nýggjastu sendingar í ÚV
Nýggjastu sendingar í SV
