Beinir váttar: Eg verði løgmaður

Beinir Johannesen, samráðingarleiðari í samgongusamráðingunum og formaður í Fólkaflokkinum, váttar nú, at hann verður løgmaður í landsstýrissamgonguni millum Fólkaflokkin, Sambandsflokkin og Javnaðarflokkin. 

Fyri løtu síðani fóru hann, Bárður á Steig Nielsen, formaður í Sambandsflokkinum og Aksel V. Johannesen, formaður í Javnaðarflokkinum, á fund at leggja seinastu hond á samgonguskjalið og málsøkjabýtið, áðrenn tey verða kunngjørd væntandi á tíðindafundi fyrrapartin í morgin.

Hoyr samrøðu, sum Jón Brian Hvidtfeldt gjørdi við Beinir Johannesen í útvarpstíðindunum: 

Aksel V. Johannesen og Bárður á Steig Nielsen eru væl nøgdir við samgonguskjalið, men hvørgin vil siga nakað um innihaldið, fyrr enn tað verður almannakunngjørt í morgin.

Teir siga báðir, at teir eru fúsir at fara í Tinganes, um flokkarnir vilja tað.

Hoyr samrøðu við Aksel V. Johannesen og Bárður á Steig Nielsen: