Skylda at búgva í Mikladali

Bústaðarskylda verður á grundstykkjunum, sum Klaksvíkar kommuna ætlar at selja í Mikladali.

Tað hevur ein meiriluti í Klaksvikar býráði samtykt.

Grundstykkini vera seld fyri 300 kr. fyri fermeturin.

Tey eru 550 fermetrar, so tey fara at kosta 165.000 kr.

Fýra stykki eru.

Bústaðarskylda krevur ikki, at keyparin sjálvur býr har, men bara, at í minsta lagi eitt fólk, 15 ár ella eldri, skal hava skrásettan bústað har.