Samandráttur: Mjølnir fór aftur avstað við gullinum

Mjølnir var stórfavorittur at endurvinna steypakappingina í flogbólti við kvinnum, og klaksvíkingar livdu upp til krøvini við tryggum 3-1 sigri á TB, sum var í síni fyrstu finalu síðan 2017. 

Norðingarnir vunnu 25-17 og 25-19 í tveimum teimum fyrstu settunum, men tey, í nú væntaðu slætt borð, fóru skeiv, tí TB svaraði aftur í triðja setti. Suðuroyingarnir vunnu nevniliga 25-22 og minkaðu um munin til 2-1.

Í fjórða setti skiftust liðini um at fáa fleiri stig á rað, og tí var tað javnt nokkso leingi. Síðstu løtuna sóust kortini mistøk hjá TB, meðan Mjølnir var kaldari og vann steypagullið annað árið á rað.

Við Tjarnir (steypafinalan hjá kvinnum)

Mjølnir - TB, 3-1 (25-17, 25-19, 22-25, 25-20)