Varðin Pelagic tekur nú aftur ímóti svartkjafti til matna

Eftir ein steðg í nøkur ár, er Varðin Pelagic aftur farin at taka ímóti svartkjafti til matna. 

Marknaðurin er broyttur rættiliga nógv hetta seinasta árið, og tí er eftirspurningurin eftir svartkjafti vaksin munandi, sigur Bogi Jacobsen, forstjóri í pf. Varðanum, sum eigur Varðan Pelagic. 

Bogi Jacobsen

Tað er serliga Nigeria, og nú eisini Kina, sum eru stóru avtakararnir av føroyskum svartkjafti til matna, sigur hann:

Av startkjaftinum, sum Varðin Pelagic tekur ímóti, fara umleið 80 prosent til matna.

Restin verður gjørd til súrløgu, sum verður seld til Havsbrún ella uttanlands.