Vil ikki brúka makrel úr Norðuratlantshavi

Fyritøkan King Oscar, sum ger niðursodnan makrel, fer ikki longur at brúka makrel úr Norðuratlantshavi, skrivar Fiskeribladet.

Orsøkin er, at makrelveiðan er ikki burðardygg.

Vantandi semjan millum strandarlondini um kvotur ger, at stór ovurfisking er.

Tilmælið hjá ICES fyri 2026 er 70 prosent minni enn tað var fyri 2025.

Heimsins burðardyggasta felag

Thai Union, sum eigur King Oscar, leggur alstóran dent á burðardygd.

Felagið er tvær ferðir kosið at vera heimsins burðardyggasta felag, sum ger fiskavørur.

Tað hevur amerikanski keypsportalurin Dow Jones gjørt.

Thai Union sigur, at felagið fer at brúka annan makrel enn tann úr Norðuratlantshavi.