Friðingarnevndin givið loyvi at byggja smoltstøð í Ónavík

Málið verður nú lagt fyri Yvirfriðingarnevndina, sum tekur endaliga avgerð

Smoltstøðin í Ónavík verður á stødd fyri smoltstøðirnar á Strond og í Skálavík.

21.05.2026 - 09:52

Lokalu friðingarmyndugleikarnir í Suðuroynni hava givið Bakkafrosti loyvi at byggja eina smoltstøð í Ónavík á Lopransfirði.

Avgerðin var tikin fyrradagin, upplýsir Jaspur Vang, sýslumaður og formaður í Náttúrufriðingarnevndini fyri Suðuroyar sýslu.

Avgerðin hjá lokalu friðingarnevndini skal nú leggjast fyri Yvirfriðingarnevndina, sum tekur endaliga avgerð í málinum. Kærufreistin er ein mánaður.

Vágs býráð legði herfyri ætlanina út til hoyringar. Freistin at lata inn hoyringsskriv var 18. januar. Men einki hoyringarskriv varð latið kommununi, upplýsir Bjarni Johansen, borgarstjóri.

Regin Jacobsen

Regin Jacobsen.

Gamalt mál

Málið um smoltstøðina hjá Bakkafrosti er gamalt.

Tað var longu í januar 2019, at stjórin í Bakkafrosti boðaði alment frá ætlanini at byggja nýggja smoltstøð í Ónavík.

Við ársenda í 2022 góðkendi Umhvørvisstovan ætlanina. Eisini hevur Vágs býráð í fleiri umførum latið Bakkafrosti fyribils treytað byggiloyvi til smoltstøðina.

- Nú vænti eg, at vit endiliga sleppa ígongd, sigur Regin Jacobsen, stjóri í Bakkafrosti:

21052026_Regin_um_Onavik