Watson til Íslands

Paul Watson hevur boðað frá, at hann ætlar sær til Íslands í summar við skipinum Bandero at mótmæla hvalaveiðu.

Tiltakið nevnist Operation 86.

Tað var í 1986, at Watson og hansara fólk søktu tveir hvalastingarar í havnini í Reykjavík.

Sama árið samtykti altjóða hvalaveiðuráðið at seta forboð fyri vinnuligari hvalaveiðu.

Paul Watson sigur, at tað, sum hann byrjaði í 1986, ætlar hann at gera liðugt í ár.

So er spurningurin, um nakað verður at mótmæla.

Tí íslendska havstovan hevur ongan umsókn fingið um at sleppa at skjóta sildreka í summar, hóast kvotan er 134 hval.

Loyvt er eisini at skjóta 150 nebbafiskar.

Íslendska vaktar- og bjargingartænasta er fyrireikað til at taka móti Watson og hansara fólkum.