Trupulleikin við útlendskum ferðaleiðarum stendur við og versnar

- Hetta hevur verið ein trupuleiki í nógv ár, og tað stendur við og versnar.

Tað sigur Hilda Thomsen, forkvinna í Føroya Ferðaleiðarafelag, í sambandi við at tveir útlendskir ferðaleiðarar leygardagin vóru handtiknir fyri at arbeiða ólógliga í Føroyum, tað vil siga uttan arbeiðsloyvi.

Felagið hevur gjørt vart við trupulleikan í longri tíð.

Hoyr innslag í útvarpstíðindunum: 

Málið um útlendsku ferðaleiðararnar endaði við, at annar - ein fronsk kvinna - var latin leys, tí ákæruvaldið helt ikki, at skuldsetingarnar móti henni fór at halda.

Hin ferðaleiðarin - ein skoti - er vístur úr Føroyum, og sleppur ikki aftur higar næstu tvey árini, tí hann sambært myndugleikunum hevur brotið útlendingalógina. 

Maðurin hevur fingið sektaruppskot, sum er 300.000 kr.

Hann noktar at taka av, so málið fer í rættin.