Bergtór og Rigmor fremst á norðoyastevnu

Bergtór Tórsteinsson og Rigmor Henriksdóttir Kølleskov vunnu, tá býarsúkkling var á norðoyastevnu fyri fyrstu ferð í eini 20 ár.

Hjá monnum stillaðu nærum 20 mans upp til kappingina, sum lokala súkklufelagið Norðstrok skipaði fyri, og Bergtór Tórsteinsson, Niklas Hallgren, Regin Thomsen og Konstantinos Garoflos taldust millum favorittarnar.

Menninir skuldu súkkla í 40 minuttir og síðan fimm umfør afturat, og skjótt varð greitt, at teir fýra omanfyrinevndu vóru ov skjótir fyri hinar. Spenningurin helt sær allan vegin til sjálva mállinjuna, har Bergtór Tórsteinsson vann á Niklasi Hallgren og Konstantinos Garoflos í harða endaspurtinum.

sukkling_kv_2.jpg

Frítekst tagging: 

Ítróttur

Súkkling

Býarsúkkling

Rigmor Henriksdóttir Kølleskov

Fimm kvinnur kappaðust, og Rigmor Henriksdóttir Kølleskov og Bjørg Árnadóttir skiftust um at fremstar. Eisini her skuldi endaspurtur til, og Rigmor Henriksdóttir Kølleskov var stinnari síðstu metrarnar til mállinjuna.

Hvør umfar var umleið ein kilometur langt og súkklað var bæði á sløttum og í smærri brekkum.