Kiel uttan Elias tapti finalu og misti pláss í Champions League

Elias Ellefsen á Skipagøtu sat uttanfyri við skaða og hugdi at, tá THW Kiel tapti fyri Melsungen í European League-finaluni í gjár.

Talan er um sama akslaskaða, sum gjørdi, at spælskiparin ikki fekk spælt røkkstøkk-dystirnar ímóti Bosnia Hersegovina herfyri.

Tapið upp á 24-23 er ikki bara ein smeitur fyri týska stórfelagið her og nú. Tað ger eisini, at Kiel ikki verður at síggja í Champions League næsta kappingarár.

Í Bundesliguni liggur "der Rekordmeister" á 5. plássi, sum bert er nóg mikið til pláss í European League næsta kappingár. Ein støða, sum viðhaldsfólkini í felagnum neyvan eru nøgd við.