G!-høvuðsnavn deyður í tyrluvanlukku í Brasilia

Amerikumaðurin Oliver Tree úr Kalifornia, ið hevur hitt sum "Life Goes On" og "Miss You", skuldi vera altjóða høvuðsnavnið á G!-festivalinum í ár. 

Men heimasíðan TMZ.com veit at siga, at 32 ára gamli amerikumaðurin er deyður í syrgiligu tyrluvanlukkuni í Brasilia, har tvær tyrlur stoyttu saman. 

Oliver Tree var í einari tyrlu saman við fýra øðrum fólkum, meðan bara ein persónur var í hinari tyrluni. 

Øll seks fólkini doyðu.  

Vanlukkan hendi í luftrúminum í útsynningspartinum av Rio de Janeiro í morgun. 

Enn er ikki greitt, hví tyrlurnar stoyttu saman. 

Oliver Tree skuldi byrja eina konsertferð kring heimin 1. juli, og millum annað skuldi leiðin ganga framvið sandin í Syðrugøtu.