Ísrael slítur sambandið við uttanríkisstjóran í ES

Ísraelski uttanríkisráðharrin, Gideon Saar, slítur alt samband við uttanríkisstjóran í ES, Kaju Kallas.

Tað sigur hann sambært Reuters-tíðindastovuni.

Orsøkin til at Gideon vendir Kallas bakið er, at hon nýliga hevur samanborið Ísrael við fyrrverandi apartheidstýrið í Suðurafrika.

Sambært ísraelska miðlinum Ynet hevur Kallas sagt hetta fyri aftur latnum durum á einum fundi í Meksiko. Tað er órgreitt, hvat hon ítøkiliga hevur sagt á fundinum, skrivar Ritzau.

Kallas vil hvørki vátta ella avsanna, um hon hevur samanborið Ísrael við apartheidstýrið í Suðurafrika.