Lívfiskastøðin í Svínoy tikið ímóti fyrstu fiskunum

Nýggja lívfiskastøðin hjá Bakkafrosti í Svínoy tók í gjár ímóti teimum fyrstu 2.000 fiskunum.

Endamálið við støðini í Svínoy er at fáa størri framleiðslu av rognum, og at breiða váðan í rognaframleiðsluni út á fleiri støð, sigur Rúni Olsen, sum er deildarleiðari í alingini á landi hjá Bakkafrosti.

Støðin í Svínoy hevur frammanundan loyvi at brúka sjógv, og hon er luftfalsliga langt burtur frá allari aling og øðrum virksemi. Tí er nógv minni vandi fyri smittu, sigur Rúni Olsen:

Lívfiskur er fiskur, sum verður brúktur til at strúka egg at gita, sum fara til smoltstøðirnar til næstu framleiðslurnar.