- Tíðindi, mentan og ítróttur
Skótahjálpin letur 100.000 krónur til Venesuela
Skótahjálpin letur 100.000 krónur til Venesuela
Skótar kenna ikki landamørk, tá tað ræður um at hjálpa, og nú fáa teir venesuelsku skótarnir eina kærkomna fíggjarliga hjálp frá føroysku skótunum
Jarðskjálvtarnir í Venesuela hava gjørt stóran skaða. Skótarnir í landinum gera stórt og týdningarmikið hjálpararbeiði, og eru eisini partur av tilbúgvingini.
Mynd: Maxwell Briceno/Reuters/Ritzau Scanpix
08.07.2026 - 13:51
Føroyska Skótahjálpin letur stóra upphædd til skótarnar í Venesuela.
Í Venesuela, har tað enn verður leitað eftir fólki í húsatoftunum eftir oyðandi jarðskjálvtarnar 25. juni, gera skótarnir stórt og týdningarmikið hjálpararbeiði, og eru eisini partur av tilbúgvingini.
Skótar kenna ikki landamørk, tá tað ræður um at hjálpa, og nú fáa teir venesuelsku skótarnir eina kærkomna fíggjarliga hjálp uppá 100.000 krónur frá føroysku skótunum.
Steinar Patursson.
Arbeiðið hjá skótunum í Venesuela sampakkar eisini væl hugburðin hjá føroysku skótunum, sigur Steinar Patursson, aðalskrivari í Føroya Skótaráð.
Føroysku skótarnir syrgja sjálvir fyri at fylla í aftur grunnin, so hvørt sum latið verður úr honum til ymisk hjálparátøk.
Hoyr innslag í útvarpstíðindunum:
08072026_Skotahjalp_til_Venesuela
Er kopiera
Nýggjastu sendingar í ÚV
Hósdag 17. september
Skráin á Tjóðpallinum 2026/27, fyrsta konsertin við Leu Eyðbjørg í Føroyum
213426
Nýggjastu sendingar í SV
