Føroya rættur brúkar nú eisini MínaBoks

Føroya rættur er nú farin at brúka MínaBoks at boða fólki frá, at tey skulu koma í rættin, um tey eru stevnd ella tey fáa eina rættarliga avgerð, ein dóm til dømis.

Talgild kunnuggerð merkir í stuttum, at rætturin sendir eini boð til fólk við telduposti, sigur Føroya rættur. 

Boðini verða roknað sum móttikin og lógliga kunnuggjørd, so skjótt fólk hava viðgjørt tey, latið tey upp, flutt ella strikað boðini.

Nýggi fráboðanarhátturin er skjótari og einfaldari, sigur Føroya rættur.