Skylda at varðveita bátin

Bátasmiðja skal gerast í Tjóðsavninum, útbúgvingin í bátasmíði skal mennast, og samstarv skal vera við kommunur um at skipa góðar umstøður at hava føroyskan bát.

Tað ætlar landsstýrið sambært ískoytinum til løgmansrøðuna.

Føroyskt bátasmíð er framvegis livandi siðaarvur, men fáir bátar verða smíðaðir, og bátasmiðirnir fækkast. 

Við innskriving á UNESCO-listan fyri umboðandi siðaarv hjá mannaættini hava vit bundið okkum til at tryggja, at føroyski báturin, bátasmíð, siðir og brúk vera borin víðari til komandi ættarlið, sigur landsstýrið.