Arbeiðsgevarar: Høvdu ikki havt opið uttan útlendingar

Flestu fólk í Føroyum hava upplivað at fara í eina matstovu ella bensinstøð, har tað stendur eitt útlendskt arbeiðsfólk handan kassan, ið ikki tosar føroyskt. Hóast tað hava verið fleiri uppsløg og viðmerkingar á alnótini um enskt-talandi starvsfólk á slíkum arbeiðsplássum, bæði frá politikarum og privatpersónum, so vísir tað, hvussu stórum trýsti tænastavinnan er undir.

- Vissi vit ikki høvdu útlendingar, so høvdu vit ikki havt opið um summarið.

Soleiðis sigur Mimmy Vágsheyg, stjóri í Cafe Fríðu í Klaksvík. Hon vísir á, at tað í longri tíð er vorið verrið at seta føroyingar at starvast á hásumri, tá festivalar og stevnur eru í hópatali. Tað eru nógv tiltøk at fara til um summarið og tað er tá, at útlendsk arbeiðsfólk traðka til og gera, at m.a. matstovur kunnu hava opið í tíðum, tá føroyingar dáma at halda frí. 

Hoyr innsalagið niðanfyri: