Skipanes latið Smyril Line

Í dag er nýggja farmaskipið, Skipanes, latið Smyril Line.

Skipanes er fyrra av tveimum nýggjum Ro-Ro farmaskipum, sum Smyril Line hevur latið byggja, og sum eru partur av eini størri íløgu í at endurnýggja og framtíðartryggja flotan, skrivar Smyril Line.

Skipanes varð latin Smyril Line frá CIMC Raffles skipasmiðjuni í Yantai í Kina, og fer nú undir heimferðina úr Kina.

Hitt farmaskipið, sum Smyril Line letur byggja í Kina, Akranes, var royndartúr í juni mánaði, men tá hendi eitt óhapp við aksel-generatorinum, sum gjørdi, at eitt størri arbeiði mátti gerast.

Tá segði Jens Meinhard Rasmussen, stjóri, at seinkingin kundi vera fleiri mánaðir.