Reyði Krossur og landsstýrið lata hálva millión í neyðhjálp til Nepal

Reyði krossur Føroya og landsstýrið lata í felag 500.000 krónur í neyðhjálp, eftir ógvisligu vatnflóðina í Nepal.

Tað var 26. august, at ein vatnflóð rakti eitt øki á markinum millum Nepal og Tibet

Pengarnir úr Føroyum fara til neyðhjálpararbeiðið hjá nepalska Reyða krossi, sum veitir hjálp á staðnum, har tørvurin er størstur.

Neyðhjálpararbeiðið fevnir eitt nú um leiting og bjarging, fyrstuhjálp, fyribils skjól, neyðsynjavørur, mat, reint drekkivatn, reinføri, heilsuhjálp, sálarligan stuðul og fíggjarligan stuðul til húski, ið eru rakt.

Sambært nepalsku myndugleikunum hevur náttúruvanlukkan kravt í minsta lagi 1.003 mannalív higartil og 3.961 fólk eru ikki komin afturíaftur, skrivar AFP-tíðindastovan.

Í Tibet eru 546 fólk ikki komin afturíaftur.