Størri fyribyrging og vitan skulu minka talið á arbeiðsvanlukkum

Vit seta framvegis met í deyðsvanlukkum á arbeiðsplássum, og føroyska miðaltalið fyri deyðsvanlukkur er vaksið síðani í fjør. 

Í fjør var miðaltalið 3,2 deyðsvanlukkur fyri hvørji 100.000 arbeiðsfólk, men nú er miðaltalið vaksið upp í 4,02 deyðsvanlukkur.

Miðaltalið í øllum Evropa er 1,6 deyðsvanlukkur fyri hvørji 100.000 arbeiðsfólk. Okkara miðaltal fyri tíðarskeiðið 2009-2025 er sostatt meri enn hálvatriðju ferð størri.

Norðurlond hava sum heild nógv færri arbeiðsvanlukkur enn restin av Evropa, men ikki Føroyar.

Evelyn Gaard, Articon

Hjá okkum eru tølini meira enn níggju ferðir størri enn í Íslandi, og fýra ferðir størri enn í Danmark, Svøríki og Finnlandi.

- Vit skulu hava størri fyribyrging við vitanardeiling, til tess at røkka null-hugsjónini um arbeiðvanlukkur, sigur Evelyn Gaard, serfrøðingur í trygd á arbeiðsplássum.

Hon er eisini nýggj forkvinna í Arbeiðsumhvørvisráðnum, sum skal ráðgeva landsstýrinum í arbeiðsmarknaðarmálum.

Hoyr innslag í útvarpstíðindunum: 

Arbeiðsumhvørvi var evnið í Breddanum fyrrapartin.

Hoyr Breddan her.